Pages

ဤသို့လျှင်၊သူမှာခြွေပေလိမ့်မည်။

 
၂၆။ဧပြီ။၂၀၁၆နေ့ထုတ်စောင့်ကြည့်ဂျာနယ်မှ။ ။

(ရေးထားတာ တလနီးပါးတောင်ရှိပါတော့မယ်။
အကြောင်းကြောင်းကြောင့် အခုမှဖော်ပြနိုင်ပါတယ်)

ဤသို့လျှင်၊သူမှာခြွေပေလိမ့်မည်။

(မင်းဒင်)

(၁)
ပြည်သူ့အစိုးရ၊ပြည်သူ့သမ္မတတက်လာပြီဆိုလို့ခင်ဗျားတို့ကို
ကျွန်တော်ပြောပြမယ်။ပြည်သူ့အစိုးရတက်လာပြီဆိုတိုင်း၊
ဒီမိုကရေစီရပြီဆိုတိုင်းပဒေသာပင်မြေကပေါက်မလာနိုင်ဘူးဆိုတာ
ခင်ဗျားတို့ကိုကျွန်တော်ရှင်းခဲ့ချင်တယ်။ဟုတ်လား။

ဘာဖြစ်လို့လဲဆိုလို့ရှိရင်ခင်ဗျားတို့စိတ်ထဲမယ်ဒီမိုကရေစီရတော့မယ်
ဆိုလို့ရှိရင်(ဟုတ်လား)စိတ်ကူးကဘယ့်နှယ့်စိတ်ကူးကြလဲဆိုရင်
ပဒေသာပင်ကြီးချက်ချင်းပေါက်လာတော့မလို့နေ့ချင်းညချင်းပေါက်
လာတော့မလို၊ခင်ဗျားတို့ ထင်ခဲ့တဲ့လူတွေများကြတယ်။(ဟုတ်လား)။

တချို့ကလည်းပဲ၊ငါတို့ဒီမိုကရေစီရပြီဆိုပြီးတော့ဘာလုပ်ချင်သလဲ
ဆိုတော့ကာ၊ကျွန်တော်တို့၊ဟိုတလောကဖေ့စ်ဘွတ်ပေါ်မှာ
ဖတ်ခဲ့ရတာ၊ဟို..၊ဘုရားစူးစေ့ဒီမိုကရေစီခေတ်ကုန်ကာနီး
၊ရွေးကောက်ပြီးနိုင်ပြီးစအချိန်ကပေါ့။အဲဒီတုန်းကဆိုလို့ရှိရင်၊

ဒီမိုကရေစီရပြီဆိုပြီးတော့၊ မော်တော်ဆိုင်ကယ်ကိုဦးထုတ်မဆောင်းပဲ
စီးကြတယ်။ဒါကို ယာဉ်ထိန်းရဲကဖမ်းတော့ဖေ့စ်ဘွတ်ပေါ်မှာ ဘာရေးသလဲဆိုလို့ရှိရင်… “ဒီမိုကရေစီရလို့ငါတို့အစိုးရတက်လာတဲ့ တနေ့မင်းတို့ရုံးရှေ့မှာအုပ်စုလိုက်လာစီးပြဦးမယ်”တဲ့။“

အဲသလိုလေသံမျိုးတွေဟာ အတော်ခွကျတယ်။
ဒါဟာဒီမိုကရေစီနဲ့ထိုက်တန်တဲ့စိတ်ဓာတ်မဟုတ်ဘူး။ပေါ့ပေါ့နေပေါ့ပေါ့စား
၊အောက်ခြေလွတ်တဲ့စိတ်ဓာတ်သာဖြစ်တယ်။

ဒီမိုကရေစီစစ်စစ်ဆိုတာ စည်းမဲ့ကမ်းမဲ့ ဒီမိုကရေစီမဟုတ်ဘူး။ စည်းနဲ့ကမ်းနဲ့ကမ်းနဲ့ဒီမိုကရေစီ မျိုး သာဖြစ်တယ်။(ဟုတ်လား)

ဒီမိုကရေစီခေတ်မှာအခွင့်အရေးတွေပိုရလာတာရှိသလို၊
တိုင်းသူပြည်သားလူအများအနေနဲ့ပေးဆပ်ရမဲ့တာဝန်တွေ၊
လိုက်နာရမဲ့စည်းကမ်းတွေရှိလာမှာဖြစ်တယ်။

ကိုယ့်အကျိုးစီးပွားအတွက်လုပ်ကိုင်ဆောင်ရွက်တဲ့နေရာမှာ၊
သမာအာဇီဝဖြစ်ရဲ့လား။ကိုယ်ကျင့်တရားစောင့်ထိန်းမှုပါရဲ့လား၊
ငါနဲ့ငါ့ဆွေမျိုးတသိုက်သာကောင်းစားရေးဖြစ်နေသလားဆိုတာသေချာ
ဆန်းစစ်ဖို့လိုလိမ့်မယ်။ကိုယ်တယောက်တည်းကြီးပွားပြီး
တတိုင်းပြည်လုံးရေစုန်မျောခဲ့တဲ့ဒီမိုကရေစီမျိုးကိုကျုပ်မလိုချင်ပါဘူး။

(၂)
ဒီမိုကရေစီရပါပြီဆိုတဲ့ကျွန်တော်တို့ခင်ဗျားတို့နိုင်ငံဟာ
ဘယ်အခြေဆိုက်သလဲဆိုတာလောက်တော့ခင်ဗျားတို့မြင်အောင်
ကြည့်သင့်တယ်။ယူနိုက်တက်ကင်းဒမ်း၊အမေရိကန်ပြည်ထောင်စု
လို့ခေါ်တဲ့ယူနိုက်တက်စတိတ်တို့လိုနိုင်ငံအဆင့်ကိုမဆိုထားနဲ့၊
ကျုပ်တို့တိုင်းပြည်ဟာဟိုခေတ်ဟိုအခါတုန်းကမွဲပေ့ဆိုတဲ့
အီသီယိုးပီးယားအဆင့်ကိုတောင်ဖင်ဖျားမမှီနိုင်သေးဘူး။

ဒီလိုဘာလို့ဖြစ်ခဲ့သလဲ။(၁၉၄၈)ခုနှစ်လွတ်လပ်ရေးရခဲ့လို့မှ
(၁၅)နှစ်မပြည့်သေးဘူး။စစ်တပ်ကအာဏာသိမ်းတယ်။
အာဏာရှင်စနစ်နဲ့အုပ်ချုပ်တယ်။မြန်မာပြည်ကိုကမ္ဘာကြီးနဲ့
အဆက်ဖြတ်လိုက်တယ်။

စစ်ခေါင်းဆောင်တွေကိုယ်ကျိုးအတွက်
ထင်ရာစိုင်းတယ်။(ဟုတ်လား)၁၉၆၂ခုနှစ်ကနေစပြီးတော့ကာ၊
တိုင်းပြည်ကိုနှစ်ပေါင်းငါးဆယ်ကျော်စစ်အာဏာရှင်စနစ်နဲ့
အုပ်ချုပ်လိုက်တာ၊မြန်မာပြည်ဟာမိအေးနှစ်ခါနာဆိုတဲ့စကားနဲ့တင်
မလုံလောက်တော့ပဲ၊မိအေးဆိုတဲ့တိုင်းပြည်ကကဖာဘဝရောက်သွားပြီ။

မိအေးဟာဖာတန်းမှာတောင်ဈေးကောင်းမရတော့တဲ့အခြေဆိုက်သွားတော့
တာပဲ။ခင်ဗျားတို့မျက်စိထဲမြင်ကြည့်ကြပေါ့ဗျာ။ဖာဈေးကွဲချိန်မှာ
မိအေးမျက်စိကလေးကလယ်ကလယ်နဲ့ဖြစ်နေတဲ့ပုံကို။ ဟဲ၊ ဟဲ၊ ဟဲ။

ခင်ဗျားတို့မြင်အောင်ပြန်ကြည့်။ဒီမိုကရေစီပေးလိုက်ပါပြီဆိုပြီး
တတိုင်းပြည်လုံးကတောင်သူလယ်သမားတွေရဲ့လယ်ယာတွေကို
အတင်းအဓမ္မသိမ်းတယ်။အခုလတ်တလောမှာတင်ရွေးကောက်ပွဲ
ရှုံးပြီဟေ့လည်းဆိုရော၊ရာထူးကဆင်းခါနီးမှာ ဖားကန့် လိုနေရာမျိုးမယ်၊အဝီစိထိအောင်မြေလှန်ပစ်ခဲ့တယ်။

တရုတ်နယ်စပ်နဲ့နီးတဲ့နေရာ တွေ မယ်၊တရုတ်နဲ့ပေါင်းပြီးလက်ကျန်သစ်တောတွေကိုဖုတ်ပူမီးတိုက်
အပြောင်ရှင်းတယ်။ဝန်ကြီးဌာနတွေရဲ့ငွေစာရင်းတွေကို
ပြားစွန်းအထိကိုက်အောင်၊ စာရင်းလိမ်တွေပြထားရစ်ခဲ့တယ်။

ဒီတော့ ဒီမိုကရေစီရလိုက်ပါပြီဆိုတဲ့၊လူထုအစိုးရပေါ်လာပါပြီဆိုတဲ့ တိုင်းပြည်ဟာ ကျွန်စုပ်တဲ့သရက်စေ့လောက် တောင် မပြောင်တဲ့အခွံချည်းကျန်ခဲ့တဲ့တိုင်းပြည်ဆိုတာ ခင်ဗျားတို့ကောင်းကောင်းကြီးသဘောပေါက်ဖို့လိုလိမ့် မယ်။(ဟုတ်လား)။

ဒါကြောင့်လက်ရှိဒီမိုကရေစီခေတ်အပြောင်းအလဲမှာအခွင့်အရေးထက်တာဝန်တွေအများကြီးပိုလာမယ်ဆိုတာ ကိုသတိချပ်ကြပါ။

(၃)
ကျုပ်တို့မြန်မာတွေမယ်သောက်ကျင့်တခုရှိတယ်။မန္တလေး ဘက်မယ်မြန်မာနေရှင်နယ်လိဂ်ဆိုလား။ဘောလုံးအသင်းနှစ်သင်း
ကန်ကြတာကျုပ်သွားကြည့်ဖူးတယ်။အစပိုင်းတော့ အကြိတ်အနယ်ကန်ကြတာပဲ။ကန်ကြတာပဲ။

အဲ..၊ ကိုယ်က တဂိုးနှစ်ဂိုးလောက်အသာစီးရနေပြီဆိုရင်၊
ကိုယ်တော်တွေက တယ်အားမစိုက်ချင်ကြတော့ဘူး။ငါနိုင်မှာ ပါပဲကွာဆိုတဲ့အချိုးနဲ့လျှော့ကန်တယ်။ဘဝင်မြင့်တာ၊ကြွားတာ၊ကြွားတာ။

အဲဒီအချိန်မျိုးမှာတဖက်အသင်းက အားကြိုးမာန်တက်ကန်ပြီးချေပဂိုးတွေကော၊အနိုင်ဂိုးတွေပါ
ထပ်ကန်သွင်း လိုက်တာနောက်ဆုံးတော့ မရှုမလှရှုံးတော့တာပဲ။ဒီတော့ရှုံးတဲ့အသင်းရဲ့ပရိသတ်က ဘာလုပ်ကြသလဲ။

ကိုယ့်အ သင်းရှုံးတာမကျေနပ်လို့ဆိုပြီး၊ပြောင်းဖူးရိုးတွေ ၊ရေသန့်ဘူးတွေနဲ့ဘောလုံးကွင်းထဲကိုလှမ်းပစ်တယ်။
ပါးစပ်ကလည်းမိုက်မိုက်ရိုင်းရိုင်းအော်ဟစ်ဆဲဆိုကြတယ်။
ဒါတင်မကသေးဘူး။ဘောလုံးပွဲကြည့်စင်ကထိုင်ခုံတွေကိုရိုက်ချိုး ပစ်တယ်။ဖျက်ဆီးပစ်တယ်။ဒါမျိုးတွေကိုမြန်မာ့ဘောလုံးပွဲရာဇဝင်
မှာပြန်ကြည့်ရင်အများကြီးတွေ့လိမ့်မယ်။

တချို့ပွဲတွေမှာလည်း ပွဲအစမှာ ကြိုးကြိုးစားစားတော့ကစားပါရဲ့။ဒါပေမဲ့မထင်မှတ်ပဲ၊ကိုယ့်အသင်းဘက်ကို
တဂိုး နှစ်ဂိုးလောက်အသွင်းခံရပြီဆိုရင်၊ငါတော့ ရှုံးမှာပါပဲကွာဆိုပြီး၊လူချတယ်။ညစ်တာညစ်တာ။မြန်မာလူမျိုးတွေစိတ် ထက်သလေးဘာလေးနဲ့၊တလွဲဆံပင်ကောင်းတယ်ဆိုတဲ့စကားဟာ
ဒီနေရာမှာသုံးဖို့ထားတာပဲ။(ဟုတ်လား)

ဒီလိုစိတ်ဓာတ်နဲ့အပြုအမူမျိုးဟာဒီမိုကရေစီနဲ့ထိုက်တန်တဲ့
စိတ်ဓာတ်မဟုတ်ဘူး။စစ်ကျွန်ဖြစ်မဲ့စိတ်ဓာတ်၊ကျွန်စိတ်ဓာတ်၊
ကျွန်သဘောက်ဘဝနဲ့သာတန်တဲ့စိတ်ဓာတ်။ဒါဟာဒီမိုကရေစီမဟုတ်ဘူး။
ရမ်းကားမှုမျှသာဖြစ်တယ်။

နောက်တခုကျွန်တော်ပြောချင်တာက၊အာဏာရှင်ခေတ်တုန်းက
တိုင်းပြည်ကိုကာကွယ်ဖို့တာဝန်ကိုအာဏာရှင်တွေကသာပြဌာန်း
ဖန်တီးခဲ့တယ်။ဒီတော့လူထုကလည်းအချောင်သမားစိတ်ဓာတ်နဲ့
တိုင်းပြည်ကိုငါတို့ကာကွယ်စရာမလိုပါဘူးလေဆိုပြီး
၊ဘော်ကြော့နေချင်ကြတယ်။

ဒီတော့ဘာဖြစ်လာသလဲ။စစ်တပ်ကိုတိုင်းပြည်ထူထောင်ဖို့
အသုံးမချဘူး။ကိုယ်လူမျိုးကိုယ့်တိုင်းပြည်ကိုဖိနှိပ်ဖို့၊
ကိုယ့်တပ်ကိုယ်နင်းဖို့၊နေရာတွေမှာအာဏာရှင်တွေစိတ်တိုင်းကျ
အသုံးချခံရတယ်။ဒီဒဏ်ကိုခင်ဗျားတို့ကျောကော့နေအောင်ခံရတယ်။

ဒီတော့ကာ၊တကယ့်ဒီမိုကရေစီစစ်စစ်ကျင့်သုံးတဲ့ခေတ်ရောက်ပြီ
ဆိုလို့ရှိရင်၊တိုင်းပြည်ကာကွယ်ရေးဟာ၊နိုင်ငံသားအားလုံးရဲ့
တာဝန်သာဖြစ်တယ်။

ဒါကြောင့်တိုင်းပြည်မှာအရွယ်ရောက်တဲ့သူတိုင်း၊ကျန်းမာတဲ့သူတိုင်း၊
စစ်ထဲမဝင်မနေရဥပဒေတွေပြဌာန်းပြီးလုပ်တန်လုပ်ရလိမ့်မယ်။
ခင်ဗျားတို့ဖာသာတိုက်ချင်ချင်၊မတိုက်ချင်ချင်၊တိုက်ကိုတိုက်ရမယ်။

ဒါဟာဒီမိုကရေစီနိုင်ငံတွေရဲ့ကျင့်ထုံးပဲ။နိုင်ငံသားတိုင်း
စစ်ပညာတတ်ထားပါမှ၊ကိုယ့်တိုင်းပြည်ကိုယ့်နိုင်ငံကိုကာကွယ်လိုစိတ်ရှိပါမှ၊
ငါစစ်သားကွဆိုပြီးလူနဲ့လူချင်းလူဝါးပြန်ဝချင်တဲ့စနစ်ကြီးကို
အပြီးတိုင်မြေမြှုပ်သင်္ဂြုဟ်နိုင်မှာဖြစ်တယ်။

(၄)
အခုပြည်သူ့အစိုးရ၊ပြည်သူ့သမ္မတဖြစ်လာပြီဆိုတဲ့အချိန်ဟာ၊
တိုင်းသူပြည်သားတွေရဲ့ပူးပေါင်းပါဝင်ဆောင်ရွက်ဖို့ သိပ်ကိုအရေးကြီးတယ်။လူထုရဲ့အားမပါပဲနဲ့တော့၊
ဘာပြန်လည်ထူထောင်ရေးကိုမှလုပ်နိုင်ကြမှာမဟုတ်ပါဘူး။

တိုင်းရင်းသားစည်းလုံးညီညွတ်ရေး၊ပြည်သူလူထုညီညွတ်ရေး။
(စားဖားတွေညီညွတ်တာကျုပ်မလိုချင်ပါဘူး)။

အဲဒီညီညွတ်ရေးနှစ်ခုမရှိလို့ကတော့ဘယ်အစိုးရတက်တက်၊
ဘယ်ပါတီတက်တက်ဖာသည်လိုတိုင်းပြည်ဖြစ်နေဦးမှာပဲ။
ရင်ကြားစေ့တယ်ရင်ကြားစေ့တယ်ဆိုပြီးစားဖားတွေရင်ကြားစေ့တာ
ကျုပ်မလိုချင်ပါဘူး။

ခင်ဗျားတို့ကျုပ်တို့တိုင်းပြည်ကိုကိုးရီးယားလိုဖြစ်ချင်သလား။
နိပွန်လို့ခေါ်တဲ့ဂျပန်နိုင်ငံလိုဖြစ်ချင်သလား။အမေရိကန်လိုပဲဖြစ်ချင်သလား။
အင်္ဂလန်လိုဖြစ်ချင်သလား၊ဂျာမဏီလိုဖြစ်ချင်သလား။

သူများနိုင်ငံတွေခြေတလှမ်းလှမ်းရင်ကျုပ်တို့က၊လေးငါးဆယ်လှမ်း
အလှမ်းနှစ်ဆယ်တန်သည်၊လှမ်းနိုင်ပါမှ၊ပြဲနေအောင်ကုန်းရုန်းပြီး
အလုပ်လုပ်နိုင်ကာမှ၊တန်ကာကျလိမ့်မယ်။အလုပ်မလုပ်ပဲနဲ့တော့
ပဒေသာပင်မြေကပေါက်မလာနိုင်ဘူး။တိုးတက်ကြီးပွားတဲ့၊
သာယာဝပြောတဲ့တိုင်းပြည်မဖြစ်လာနိုင်ဘူး။ကမ္ဘာ့အလယ်မှာ
သိက္ခာရှိတဲ့လူမျိုးအဖြစ်ဘယ်သောအခါမှမရပ် တည်နိုင်ဘူး။

တိုင်းပြည်ကိုချစ်လှပါချည့်ရဲ့လို့အသံကုန်ဟစ်ပြီးလှေကြုံစီးချင်တဲ့
စိတ်မဖျောက်နိုင်လို့ကတော့ဒီနေ့ဒီမိုကရေစီရ၊ နက်ဖန်စစ်တပ်က အာဏာပြန်သိမ်းပြီးစစ်ကျွန်ဘဝ၊နိုင်ရာစားလုပ်တတ်တဲ့
စစ်ဖိနပ်ရဲ့အောက် ကိုပြန်ရောက်သွားပါပဲ၊
ကိုယ့်လည်ပင်းကိုယ်ကြိုးကွင်းတပ်သလိုဖြစ်နေမှာပဲဆိုတာ
ခင်ဗျားတို့မြဲမြဲကြီးမှတ်စေချင်တယ်။

ကျုပ်တို့လူမျိုးကနေရာတကာမှာဗရမ်းဗတာနိုင်တယ်။စည်းကမ်းမဲ့တယ်။
အမှိုက်ကိုတွေ့ရာပစ်တယ်။ကွမ်းတံထွေးကကိုနေရာတကာမှာ
ဗျစ်ကနဲ၊ဗျစ်ကနဲထွေးတယ်။အလှည့်ကျစောင့်ရတဲ့ရုံးဌာနတွေမှာ
တန်းမစီချင်ဘူး။အခွင့်ထူးခံချင်တယ်။ရေသာခိုချင်တဲ့ပေါ့ပေါ့နေပေါ့ပေါ့စား
စိတ်ဓာတ်ကိုမဖျောက်နိုင်ကြဘူး။

အခုမြန်မာပြည်မယ်၊ခင်ဗျားတို့အရည်မရအဖတ်မရစားနေကြတဲ့၊
ကွမ်းယာတွေထဲမှာထည့်ရတဲ့ကွမ်းစားဆေးတွေဘယ်ကလာသလဲ။
အိန္ဒိယကလာတယ်။မြန်မာတပြည်လုံးကွမ်းစားတဲ့အတိုင်းအတာ
အရဆိုရင်၊အမေရိကန်ဒေါ်လာသန်းချီတဲ့ကွမ်းစားဆေးတွေ
အိန္ဒိယကဝယ်ရတယ်။ဆ်ီမပါရင်မစားတတ်ပါဘူးဆိုပြီး
ဘုံးဘောလအောသုံးနေကြတဲ့ဆီတွေဟာ ဘယ်ကလာသလဲ။မလေးရှားကနေလာတယ်။
ယိုးဒယားလို့ခေါ်တဲ့ထိုင်းနိုင်ငံကနေလာတယ် ။

ဒီတော့ကာကျုပ်တို့ဟာဒီမိုကရေစီရဲ့အရသာကိုခံစားစံစားနိုင်ကြဖို့ဆိုရင်၊အတတ်နိုင်ဆုံးခြိုးခြံချွေတာကြဖို့လိုတယ်။အများကြီးစည်းကမ်းရှိဖို့လိုတယ်။

(၅)
အဖက်ဖက်ကချွတ်ခြုံကျနေတဲ့ကျုပ်တို့နိုင်ငံပြည်လည်ထူထောင်ရေး
အတွက်၊ခေတ်မီစိုက်ပျိုးရေးစနစ်တွေကျယ်ကျယ်ပြန့်ပြန့်သုံးနိုင်ဖို့
လိုတယ်။လယ်လုပ်သူလယ်ပိုင်စေရမယ်။ခေတ်စနစ်နဲ့မညီတဲ့
ပညာရေးစနစ်တွေကိုပြင်ရမယ်။တတိုင်းပြည်လုံးလျှပ်စစ်မီးလင်းပြီး၊
အသေးစားအိမ်တွင်းမှုလုပ်ငန်းတွေတတိုင်းပြည်လုံးမှာဖွံ့ဖြိုးလာဖို့လို တယ်။ဒါမှသာ ကိုယ့်တိုင်းပြည်ကနေထွက်တဲ့သီးနှံနဲ့သယံဇာတွေကို ကမ္ဘာ့ဈေးကွက်တင်နိုင်ပြီး၊တမျိုးသားလုံးရဲ့ စားဝတ်နေရေး ဖူလုံလာမယ်။ဒါတောင်အကြမ်းဖျဉ်းသဘောပဲရှိသေးတယ်။

လာဘ်ပေးလာဘ်ယူမှုတွေ၊အကျင့်ပျက်ခြစားမှုတွေအစရှိသည်ဖြင
ပုပြင်ရမဲ့အပိုင်းတွေမရေမတွက်နိုင်အောင်ရှိမယ်။

ဒီလိုပြုပြင်ဖို့ခင်ဗျားတို့လူထုတစ်ရပ်လုံးတာဝန်သိသိ၊စည်းကမ်းရှိရှိ၊
ခါးတောင်းကျိုက်မဖြုတ်စတမ်းပူးပေါင်းဆောင်ရွက်ကြဖို့လိုတယ်။
ကိုယ့်အသိစိတ်ဓာတ်နဲ့ကိုယ်၊ကိုယ်ထူကိုယ်ထတဲ့လူထုအားကို
အများကြီး လိုတယ်။

အခုတက်လာတဲ့အစိုးရဟာအရင်အာဏာရှင်အစိုးရတွေလို၊
ရာထူးနေရာတွေကိုဖက်တွယ်ထားမဲ့သူတွေလား၊
ပြည်သူလူထုမကြည်ဖြူရင်မျက်နှာပြောင်တိုက်ပြီး
တွယ်ကပ်နေမဲ့သူတွေလား။

သူတို့ဟာ တိုင်းပြည်အကျိုးကို တကယ်သယ်ပိုးနိုင်၏။မနိုင်၏ ဆိုတာလေးငါးဆယ်နှစ်တန်သည်အပြုသဘောနဲ့ဝေဖန်စောင့်ကြည့်ကြပါ။
တတိုင်းပြည်လုံးကလည်းတာဝန်သိသိပူးပေါင့်းပါဝင်အားဖြည့်ကြပါ။

ဒီတော့နိဂုံးချုပ်အနေနဲ့ကျုပ်ပြောချင်တာက၊ကိုယ့်တိုင်းပြည်
အမှန်တကယ်ကြီးပွားချမ်းသာချင်ရင်၊ဒီမိုကရေစီရဲ့အနှစ်သာရကို
ခံစားနိုင်ဖို့ဆိုရင်၊ခင်ဗျားတို့မှာအရိုးစွဲနေတဲ့အကျင့်ဆိုးတွေ
အကျင့်ဟောင်းတွေခင်ဗျားတို့စောက်ကျင့်တွေကိုပြင်ကြဖို့လိုပြီ
ဆိုတာကို၊ကျုပ်ဒီနေ့ပြောခဲ့ချင်တယ်။

မြန်မာ့ထွက်ရပ်လမ်း

 
ဗိုလ်အောင်ကျော်ရာပြည့်အမှတ်တရမဂ္ဂဇင်း။ ။ ၂၀၁၆ မတ်လ

မြန်မာ့ထွက်ရပ်လမ်း

(မင်းဒင်)

(၁)
မကြာခင်သေးခင်ရက်ပိုင်းအတွင်းက၊ကျွန်တော်ကြည့်မိသောဖြစ်ရပ်မှန်
ရုပ်ရှင်ဇာတ်လမ်းတပုဒ်သည်၊ဆင်းရဲတွင်းသို့တွင်းဆုံးကျနေသည့်
ကျွန်တော့်ဇာတိနိုင်ငံအတွက်၊နမူနာယူရမည့်ထွက်ရပ်လမ်းနည်းကောင်း
တစ်ရပ်ဖြစ်နိုင်လေသည်။ရုပ်ရှင်ဇာတ်ကား၏အမည်မှာ(The33)ဖြစ်၍
ကျွန်တော်မှတ်မိသမျှဇာတ်ကြောင်းမှာအောက်ပါအတိုင်းဖြစ်လေ၏။

(၂)
(၂၀၁၀)ခုနှစ်၊ချီလီနိုင်ငံဆန်းဂျို့မိုင်းတွင်းမှာမြေပြိုသည်။မိုင်းလုပ်သား
(၃၃)ယောက်မြေအောက်၊ပေနှစ်ထောင်ကျော်အနက်မှာအရှင်လတ်လတ်
မြေမြှုပ်ခံရတော့မည့်အခြေအနေကိုကြုံရသည်။

စင်စစ်ထိုမိုင်းသည်မူလကတည်းက၊အလုပ်သမားများအဖို့လုံခြုံရေးအန္တရာယ်
မကင်းသောအနေအထားတွင်ရှိသဖြင့်၊မိုင်းလုပ်သားခေါင်းဆောင်က၊
အတန်တန်ကြိုတင်သတိပေးပါလျက်၊သက်ဆိုင်ရာမိုင်းကုမ္ပဏီ၏လျစ်လျူပြုမှုကြောင့်
ထိုအဖြစ်ဆိုးကိုကြုံရခြင်းဖြစ်သည်။

မိုင်းတွင်းမြေမြိုပြီဟေ့ဆိုကတည်းက၊မိုင်းကုမ္ပဏီအနေဖြင့်မြေအောက်တွင်
ပိတ်မိနေသောအလုပ်သမားတို့ကိုအချိန်မီကယ်တင်ရန်၊စိတ်ပါဝင်စားမှုမပြခဲ့ချေ။
မိုင်းတွင်းကိုဆူးကြိုးခတ်ကာရံလိုက်ပြီး၊ လက်နက်ကိုင်အစောင့် အကြပ်များချကာ၊မည်သည့်သတင်းကိုမျှထုတ်ပြန်ကြေညာခြင်းမပြုပဲ
သတင်းမှောင်ချထားလိုက်သည်။

ထိုမိုင်းတွင်းမှာယခင်ကငါးကြိမ်မြေပြိုမှုဖြစ်ခဲ့ဖူးလေရာ၊မည်သည့်ကယ်ဆယ်ရေး
လုပ်ငန်းမျှမလုပ်နိုင်ပဲ၊မြေအောက်မှာပိတ်မိနေသောမိုင်းလုပ်သားတို့၊
အသက်ဆုံးရှုံးခဲ့ရသည်ချည်းဖြစ်၏။

တောင်ပြတ်ရွေ့မှုကြောင့်မိုင်းတွင်း၏အရေးပေါ်ထွက်ပေါက်အပေါ်သို့ပြိုကျ
ပိတ်ဆို့နေသောကျောက်တုံးကြီးမှာ၊ခေတ်မီမိုးမျှော်တိုက်နှစ်လုံးစာမျှကြီးမား
သည်ဖြစ်ရာ၊မြေအောက်တွင်ပိတ်မိနေသောမိုင်းလုပ်သားတို့ကိုအချိန်မီ
ကယ်တင်နိုင်ရန်မှာ၊အရူးအိပ်မက်ဟုသာ၊ယူဆခဲ့ကြသည်။

(၃)
မြေအောက်မှမိုင်းလုပ်သားများ၏မိသားစုဝင်တို့မှာမိုင်းတွင်းအနီးသို့
ဝိုင်းအုံရောက်ရှိနေကြလေပြီ။ထိုသတင်းချီလီသမ္မတရုံးသို့ရောက်သောအခါ
သမ္မတအပါအဝင်၊တာဝန်ရှိပုဂ္ဂိုလ်အတော်များများက၊အဆိုပါပြဿနာကို
ထုံးစံအတိုင်းအင်းမလှုပ်အဲမလှုပ်သာတုန့်ပြန်ကြသည်။

သို့သော်သတ္တုတွင်းဝန်ကြီးလော့ရန့်ဘိုလ်ဘွန်း၏အမြင်ကမူ၊အခြားသူတို့နှင့်
လုံးဝကွဲပြားသည်။မြေအောက်မှာပိတ်မိနေသောမိုင်းလုပ်သားတို့ကို၊
သူကယ်တင်နိုင်မည်ဟုယုံကြည်နေခဲ့သည်။လောရန့်သည်စာနာစိတ်ကြီးမားသော၊
တက်ကြွသောလူလတ်ပိုင်းအရွယ်ဝန်ကြီး ဖြစ်၏။

မြေပြိုပြီးနှစ်ရက်အကြာတွင်သမ္မတ၏ခွင့်ပြုချက်ဖြင့်လောရန့်ကိုယ်တိုင်
အချင်းဖြစ်မိုင်းတွင်းသို့အရောက်သွားခဲ့သည်။ရောက်ရောက်ခြင်းဆောက်နဲ့ထွင်း
ဆိုသလို၊မြေအောက်တွင်ပိတ်မိနေသောမိုင်းလုပ်သားမိသားစုဝင်
တစ်ယောက်၏၊ဒေါသတကြီးပါးရိုက်ခြင်းကိုလောရန့်ခံလိုက်ရသည်။

သို့သော်လောရန့်စိတ်မပျက်။ကျွမ်းကျင်ပညာရှင်များနှင့်အပူတပြင်းတက်သုတ်ရိုက်
တိုင်ပင်ကာ၊မိုင်းတွင်းကိုပိတ်ဆို့နေသည့်ဧရာမကျောက်တုံးကြီးကို၊
လွန်တူးစက်ဖြင့်မြေလွှာကိုဖောက်၍၊ကယ်ဆယ်ရေးလုပ်ငန်းစတင်ရန်ပြင်ဆင်သည်။

စိုးရိမ်ပူပန်စွာစောင့်ကြည့်နေကြသောမိုင်းလုပ်သားမိသားစုတို့အတွက်
ယာယီရွက်ဖျင်တဲများ၊အစားအသောက်၊ကျန်းမာရေးစောင့်ရှောက်မှုနှင့်
ဝတ်ပြုဆုတောင်းရန်၊(Chruch)ကျောင်းငယ်တစ်ဆောင်ကိုပါဝန်ကြီးက
တာဝန်ယူဆောက်လုပ်ပေးသည်။

(၄)
ပိတ်မိနေခဲ့သောမိုင်းလုပ်သားတို့သည်မြေအောက်အရေးအပေါ်အခန်းတွင်
စုစည်းမိနေခဲ့ကြ၏။သူတို့အတွက်အရေးပေါ်ရိက္ခာမှာသုံးရက်စာမျှသာရှိသည်။
သူတို့ထဲတွင်အရက်စွဲနေသူပါသည်။စိတ်ဓာတ်အလွန်အကျွံကျဆင်းနေသော
စိတ်ဝေဒနာရှင်တပိုင်းအလုပ်သမားလည်းပါသည်။

မရှိမဲ့ရှိမဲ့ရိက္ခာကိုခိုးစားသည့်တစ်ကိုယ်ကောင်းသမားလည်းပါသည်။
မီးဖွားလုလုဆဲဆဲဇနီးသည်၏ခင်ပွန်း၊ဖခင်လောင်းပါသည်။

မြေပြိုသည်နှင့်အန္တရာယ်ရှိကြောင်းကြိုတင်သိပါလျက်အလုပ်ဆင်းခိုင်းသည့်
မိုင်းလုပ်သားခေါင်းဆောင်ကိုပြစ်တင်ရန်ရှာသည်။

သူတခွန်းငါတခွန်းဝေဖန်ပြစ်တင်ပြီးချိန်တွင်၊ပြန်လမ်းမရှိသောသူတို့ဘဝအတွက်
ထိတ်လန့်တုန်လှုပ်ကာငိုကြွေးမြည်တမ်းကြသည်။ဘုရားသခင်ကို
တိုင်တည်ကြသည်။နောက်ဆုံးမိုင်းလုပ်သားခေါင်းဆောင်၏ဦးဆောင်
လမ်းညွန်မှုအတိုင်း၊ရိက္ခာကိုအတတ်နိုင်ဆုံးစနစ်တကျခြိုးခြံချွေတာကာ၊
ကယ်ဆယ်ရေးအဖွဲ့ရောက်လာမည့်နောက်ဆုံးအချိန်အထိကြံ့ကြံ့ခံသွားကြရန်၊
သဘောတူညီခဲ့ကြသည်။

(၅)
မိုင်းတွင်းပြိုပြီးသုံးရက်မြောက်နေ့တွင်သမ္မတ၏အစီအစဉ်ဖြင့်ရောက်လာသော
လွန်တူးစက်ကြီးများ၊ကျွမ်းကျင်ပညာရှင်များဖြင့်ကယ်ဆယ်ရေးလုပ်ငန်းကိုစတင်ရာ၊
(၁၂)ရက်မြောက်နေ့တွင်၊လွန်တူးသံကိုမြေအောက်မှမိုင်းလုပ်သားများကြားရကာ
၊စွေ့စွေ့ခုန်ဝမ်းမြောက်ပျော်ရွှင်ကြသည်။

သို့သော်..၊သေချာနားထောင်လိုက်သည့်အခါလွန်တူးသံသည်၊၎င်းတို့၏အထက်မှ
မဟုတ်ပဲ၊အောက်အရပ်ဆီမှထွက်ပေါ်လာနေကြောင်းသတိပြုမိကြသည်။

လွန်တူးသည့်လမ်းကြောင်းလွှဲလေပြီ။တုန်လှုပ်ခြောက်ခြားကာ
စိတ်ဓာတ်အကြီးအကျယ်ကျဆင်းကြရပြန်သည်။စနစ်တကျခြိုးခြံသည့်ကြားထဲမှပင်၊
ရိက္ခာပြတ်လုပြီ။သည်ပုံအတိုင်း ကြာလျှင်၊မြေအောက်မှာအချင်းချင်း သတ်ဖြတ်စားသောက်ကြတော့မည့်အခြေအနေအထိဆိုက်လာနိုင်သည်။

ဝန်ကြီးလောရန့်ကားစိတ်ပျက်သော်လည်းလက်မလျော့။မိုင်းတူးလုပ်ငန်းတွင်
ကျွမ်းကျင်သောသြစတေလျ၊ကနေဒါနှင့်အမေရိကန်နိုင်ငံတို့မှ၊ခေတ်မီလွန်သွားများ၊
စက်ယန္တယားများ၊ကျွမ်းကျင်ပညာရှင်များစသည်တို့၏အကူအညီဖြင့်၊
ဇွဲမလျော့စတမ်းဆက်လက်ကြိုးပမ်းရာ၊(၁၇)မြောက်နေ့တွင်၊လွန်သွားသည်
လိုရာအရပ်သို့ဆိုက်ဆိုက်မြိုက်မြိုက်ရောက်ရှိသွားတော့သည်။

ထိုလွန်သွားပိုက်မှတဆင့်၊အစားအသောက်၊အဝတ်အထည်နှင့်အခြားလိုအပ်သော
အသုံးအဆောင်တို့ကို၊မြေအောက်သို့ပို့ပေးနိုင်ရုံမျှမက၊
ဗီဒီယိုဖြင့်မြေပြင်နှင့်မြေအောက်အပြန်အလှန်စကားပြောနိုင်သည်အခြေအနေ
အထိတိုးတက်လာခဲ့သည်။

(၆)
သို့သော်..၊မြေအောက်သို့လွန်သွားရောက်ရှိခြင်းမှာ၊ကယ်ဆယ်ရေးလုပ်ငန်းကြီး၏
ပထမခြေလှမ်းသာဖြစ်၏။လူတစ်ကိုယ်စာကျင်းငယ်တခုချဲ့ထွင်တူးဖော်၍
၊မြေအောက်မှမိုင်းလုပ်သားတစ်ယောက်ချင်းကိုမြေပေါ်သို့ဆွဲတင်ကယ်ယူရန်
၊လုပ်ငန်းစဉ်ကြီးတစ်ခုကျန်ရှိနေသေးသည်။အဆိုပါကိစ္စရပ်မှာ
ထင်ထားသည်ထက်ပို၍ခက်ခဲနေပြန် သည်။

တောင်ကလည်းတစ်နေ့ချင်းတစ်ရက်ချင်းသိသာစွာဆက်လက်ပြိုကျနေသည်။
အစစအဆင်ပြေမည်ဆိုလျှင်ပင်၊လူတကိုယ်စားကျင်းတူးရန်မှာအနည်းဆုံး
အချိန်သုံးလခန့်ကြာမြင့်မည်ဖြစ်၏။လက်ရှိအသုံးပြုနေသောလွန်သွားမှာ
လူတစ်ကိုယ်စာမြေကျင်းကိုတူးနိုင်သည့်စွမ်းရည်မရှိသဖြင့်၊လုံးလုံး
လက်လျှော့ရမည့်အနေအထားသို့ရောက်ရှိသွားပြန်သည်။

မီဒီယာသမားများ၊လူ့အခွင့်အရေးရှေ့နေများ၏ဘက်ပေါင်းစုံမှ
ထိုးနှက်ဝေဖန်ချက်များပေါ်ထွက်လာသောအခါ၊သမ္မတကိုယ်တိုင်ပင်၊
ကယ်ဆယ်ရေးလုပ်ငန်းကိုရပ်ဆိုင်းကာ၊ပိတ်မိမိုင်းအလုပ်သမား
အားလုံးသေဆုံးကုန်ပြီဖြစ်ကြောင်းသတင်းထုတ်ပြန်တော့မည့်
အေ ခြအနေအထိဆိုးရွားသွားခဲ့ပြန်သည်။

သည်ကြားထဲတွင်၊မြေအောက်မှမိုင်းလုပ်သားများထံရောက်ရှိသွားသော
သတင်းစာ၊ဂျာနယ်တို့မှတဆင့်၊ယင်းဖြစ်ရပ်ကိုရုပ်ရှင်ရိုက်ကူးရန်အတွက်၊
မိုင်းလုပ်သားခေါင်းဆောင်အားဒေါ်လာသန်းချီပေး၍ကမ်းလှမ်းသည်ဟု သိရ ပြန်သောအခါ၊အချင်းချင်းအကြီးအကျယ်စိတ်ဝမ်းကွဲကြပြန်သည်။
သို့သော်အရည်အချင်းပြည့်ဝသောခေါင်းဆောင်ဖြစ်၍ အဆိုပါစိတ်ဝမ်းကွဲမှုကိုကောင်းစွာထိန်းသိမ်းလိုက်နိုင်သည်။

(၇)
ကယ်ဆယ်ရေးမိုင်းတူးခေါင်းဆောင်ပညာရှင်ကိုယ်တိုင်၊မိုင်းတွင်းပိ
အလုပ်သမားများ(၃၃)ယောက်စလုံးအသက်ဆုံးခြင်းမှလွဲ၍
အခြားနည်းလမ်းမရှိတော့ကြောင်း၊လုံးဝလက်မြှောက်အရှုံးပေးတော့မည့်
အချိန်တွင်၊လောရန့်၏မဆုတ်မနစ်သောဇွဲသတ္တိနှင့်ခံယူချက်တို့ကြောင့် ၊ကြီးစွာသောအခက်အခဲများမှ၊ကယ်ဆယ်ရေးလုပ်ငန်းကို၊လက်မတင်လေး
ဆက်လက်ဆောင်ရွက်နိုင်ခဲ့ပြန်သည်။

နောက်ဆုံးတွင်မူအခက်အခဲမျိုးစုံကိုရင်ဆိုင်ကျော်ဖြတ်ရင်း(၆၂)ရက်မြောက်နေ့တွင်၊
ဖီးနစ်အမည်ရှိအထူးပြုလုပ်ထားသည့်သံမဏိလှောင်အိမ်ငယ်ဖြင့်
၊မြေအောက်မှမိုင်းတွင်းပိ၊အလုပ်သမားတစ်ဦးကိုစတင်ဆယ်တင်နိုင်ခဲ့သည်။

ဇာတ်လမ်းကိုနိဂုံးချုပ်သော်..၊အဆိုပါချီလီမိုင်းတွင်ပြိုကျမှုတွင်မြေအောက်၌
(၆၂)ရက်ကြာနေရောင်မမြင်ရပဲ၊ပိတ်မိနေခဲ့သောမိုင်းလုပ်သား(၃၃)လုံးစလုံးကို
၊အောင်မြင်စွာပြန်လည်ကယ်တင်နိုင်ခဲ့သည်။

အဆိုပါဖြစ်ရပ်မှန်ဇာတ်လမ်းကို(၂၀)ရာစုမြေခွေးဟောလီးဝုဒ်ရုပ်ရှင်ကုမ္ပဏီကြီးမှ၊
ရုပ်ရှင်ရိုက်ကူးပြသရသည်အထိ၊ကမ္ဘာကျော်ခဲ့သည်။

အဆိုပါမိုင်းတွင်းတာဝန်ရှိကုမ္ပဏီအနေဖြင့်တရားတဘောင်စွဲဆိုခြင်းမခံခဲ့ရသလို
၊ပိတ်မိနေခဲ့သောမိုင်းလုပ်သားတစ်ဦးတစ်ယောက်မျှလျော်ကြေးငွေတစ်ပြား
တစ်ချပ်မရရှိသည်မှာမူ၊ထူးခြားလှသောအချက်ဖြစ်၏။

(၈)
ရုပ်ရှင်ဇာတ်ကားဖြစ်၍ရသသဘောပါဝင်အောင်ဖန်တီးရသည်ဖြစ်ရာ၊
ရုပ်ရှင်နှင့်တကယ့်အဖြစ်အပျက်သည်ထပ်တူကျကောင်းကျချင်မှကျပေလိမ့်မည်။

မည်သို့ပင်ဆိုစေ၊ထိုရုပ်ရှင်ထဲကမြေအောက်ပေနှစ်ထောင်ကျော်တွင်ပိတ်မိနေသော
မိုင်းလုပ်သားတို့၏အဖြစ်သည်၊စနစ်ဆိုးကြောင့်ဒုက္ခပင်လယ်ဝေနေသော
မြန်မာလူထု၏အဖြစ်သနစ်တို့ကိုသတိရစရာကောင်းပါသည်။

အဖြစ်ဆိုးအပေါ်တာဝန်ယူမှုလုံးဝမရှိသောမိုင်းကုမ္ပဏီနှင့်သမ္မတရုံးတို့၏
အပြုအမူတို့မှာကျွန်တော်တို့နိုင်ငံတွင် ကြုံတွေ့နေကျဖြစ်ရပ်များနှင့်များစွာ ဆင်တူပါသည်။

ကယ်ဆယ်ရေးလုပ်ငန်းကိုစွမ်းစွမ်းတမံဦးဆောင်ခဲ့သည့်ချီလီသတ္တုတွင်း
ဝန်ကြီးကဲ့သို့သောဝန်ကြီးများပါဝင်သည့်အစိုးရအဖွဲ့အသစ်တစ်ရပ်သည်၊
ကျွန်တော့်ဇာတိနိုင်ငံတွင်များမကြာမီပေါ်ထွက်လာလိမ့်မည်ဟုရော်ရည်မျှော်မှန်း
စိတ်လည်းဖြစ်ပေါ်မိသည်။

အလွန်ကြီးမားသောအခက်အခဲတစ်ရပ်ကိုအောင်မြင်စွာကျော်ဖြတ်အောင်နိုင်ရေး
အတွက်ချီလီသတ္တုတွင်းဝန်ကြီးနှင့်မြေအောက်မှမိုင်းလုပ်သားခေါင်းဆောင်တို့၏
အချိတ်အဆက်မိမိ၊အားထုတ်ရုန်းကန်ကြိုးပမ်းမှုမှာအတုယူစရာကောင်းလှသည်။

ထိုချီလီမိုင်းတွင်းပြိုကျမှုဖြစ်ရပ်မှန်ဇာတ်လမ်းသည်၊ဆင်းရဲတွင်းသို့
တွင်းဆုံးကျနေသည့်ကျွန်တော့်ဇာတိနိုင်ငံအတွက်၊နမူနာယူရမည့်
ထွက်ရပ်လမ်းအဖြစ်နည်းကောင်းတစ်ရပ်အဖြစ်မှတ်ယူနိုင်လေသည်။
ရုပ်ရှင်ဇာတ်ကား၏အမည်မှာ(The-33)ဖြစ်၍ကျွန်တော်မှတ်မိသမျှ ဇာတ်ကြောင်းမှာအထက်ပါအတိုင်းဖြစ်လေ၏။

သရုပ်ဖော်။ ။ပန်းချီထိန်လင်း၊